Mahal kong Maynila

Tulad ng isang binibining likas na kabigha bighani.
Ang iyong ganda ay hindi mapagkakaila.
Tulad ng sikat ng araw na sigla ang taglay.
At tulad ng paglubog nito na sa dapit hapon ay nagbibigay ng ginhawa.
Ikaw ang aking Ina, and aking kaibigan, ang aking minamahal.
Lumayo man at masilayan ang ibang ganda ng ibang bansa, ibang lungsod, ibang bayan.
Ikaw pa din ang aking giliw, Ikaw pa din ang aking sinta.
O mahal kong Maynila, lungsod na aking sinilangan.
Ikaw lamang at wala nang iba.